Tökum á móti fylgiskjölum* frá okkar viðskiptavinum á skrifstofunni hjá okkur. Líka hægt að senda fylgiskjölin til okkar rafrænt í tölvuský, (t.d. iCloud, dropbox, google drive), í tölvupósti, (t.d. zip) eða áþreifanlegum pósti.
Færum tvíhliða bókhald, debet og kredit í bókhaldskerfi. Bókfærum fylgiskjöl með innslætti, en nýtum okkur tæknina líka og lesum inn færslur alls staðar sem við komum því að, t.a.m. innborganir o.fl.
Erum dugleg að minna á að fá fylgiskjöl til okkar, til að mæta skilafrestum. Bókfærslan er grunnur fyrir virðisaukaskattsuppgjör, ársreikninga- og framtalsgerð.
  *Með fylgiskjölum er átt við reikninga sem eru afhendir þegar viðskipti fara fram. Afrit af sölureikningum og frumrit kostnaðarreikninga.

Gefum út sölureikninga og sendum þá í tölvupósti.
Gefum líka út rafræna [XLM] reikninga og sendum. T.a.m. ríkisstofnanir taka einungis á móti svoleiðis reikningum.
Stofnum kröfur í [heima]banka fyrir okkar viðskiptavini.

Reiknum út laun, gerum launaseðla og þeir sendir í tölvupósti.
Sjáum um rafræn skil á staðgreiðslu á tekjuskatti og tryggingagjaldi til Skattsins, iðgjöldum til lífeyrissjóða og sjóði stéttarfélaga.
Kröfur frá þessum aðilum stofnast í [heima]banka.

Látum okkar viðskiptavini vita tímanlega þegar komið er að virðisaukaskattsuppgjöri og skil á skýrslu. Minnum á að fá fylgiskjöl til bókunar fyrir virðisaukaskattsuppgjör.
Gerum upp virðisaukaskattstímabilið og sendum virðisaukaskattsskýrslu í tölvupósti.
Sjáum um rafræn skil á virðisaukaskattskýrslum til Skattsins.
Látum viðskiptavini okkar vita að skilin hafi farið fram.
Krafa frá RSK stofnast í [heima]banka hjá okkar viðskiptavinum.

Stemmum af færslur í bókhaldi við bankareikninga og kreditkortayfirlit frá viðskiptabanka. (Mælum með að fá skoðunaraðgang að heimabanka, þá getum við sótt hreyfingarlista hvenær sem er til afstemmingar).
Stemmum af færslur í bókhaldi við hreyfingarlista t.a.m. frá skuldunautum, lánadrottnum og Skattinum.

Vinnum miða, t.a.m. launamiða, verktakamiða, hlutafjármiða og fleiri miða.
Sjáum um rafræn skil á miðum, t.a.m. launamiðum, verktakamiðum, hlutafjármiðum og fleiri miðum.
Sendum miðanna til okkar viðskiptavini og látum vita að skilin hafi farið fram.

Bókfærum færslur sem tengjast reikningsskilum, til að fylgja forsendunni um afmarkað tímabil.
Förum yfir og stemmum af samtölur í aðalbók, til að sannreyna að stöður séu réttar.

Gerum og útbúum ársreikninga og/eða árshlutareikninga.
Minnum okkar viðskiptavini á (ef þörf er á) að huga þarf að ársreikningargerð.
Sendum ársreikning í pdf formi og segjum frá helstu lykilatriðum sem snerta ársreikninginn, í tölvupósti til okkar viðskiptavina.
Stjórn og framkvæmdarstjóri samþykkir ársreikninginn, með tölvupósti til okkar.
Sjáum um rafræn skil á ársreikningum til ársreikningarskrá og skattadeildar hjá RSK.
Áframsendum staðfestingum á skilum á ársreikningi frá ársreikningarskrá hjá Skattinum til okkar viðskiptavina, (sem er mikilvæg vitneskja vegna hættu á sekt vegna vanskila).

Sjáum um framtalsgerð.
Minnum okkar viðskiptavini á að huga þarf að framtalsgerð.
Sjáum um rafræn framtalsskil til skattadeildar hjá Skattinum.
Áframsendum staðfestingum á skilum á framtali frá Skattinum til okkar viðskiptavina.
Skatturinn birtir álagningarseðil. Kröfur frá Skattinum stofnast í [heima]banka hjá okkar viðskiptavinum.

Við skoðum stöðu á óráðstöfuðu eigið fé og komum með tillögu um arðsúthlutun fyrir okkar viðskiptavini.
Sjáum um rafræn skil á staðgreiðslu á fjármagnstekjuskatti af arði.
Sendum skilagreinar til okkar viðskiptavini og látum vita að skilin hafi farið fram.
Krafa vegna fjármagnstekjuskatts af arði frá Skattinum stofnast í [heima]banka hjá okkar viðskiptavinum.

Stofnum einkhluta-, sameignar og samlagsfélög.
Bjóðumst til að slíta félög.

Sendum inn umsóknir til launagreiðenda- og virðisaukaskattskrá hjá Skattinum.
Svörum fyrirspurnum frá Skattinum.
Semjum og sendum kærur til skattstjóra og yfirskattanefndar.
Ýmis önnur samskipti við Skattinn.